پاکستان میں سونے کی قیمتوں کو پر لگ گئے

بلین مارکیٹ میں کاروباری ہفتے کے اختتام پر سونے کی فی اونس قیمت میں 7 ڈالرز کا اضافہ ہوا جس کی وجہ سے پاکستان میں بھی قیمتوں کو پر لگ گئے۔

 ویب ڈیسک (ملتان ٹی وی ایچ ڈی 22 مارچ 2021)  رپورٹ کے مطابق عالمی مارکیٹ میں کاروباری ہفتے کے آخری روز ٹریڈنگ کے دوران سونے کی فی اونس قیمت میں اضافہ دیکھنے میں آیا۔

ٹریڈنگ بند ہونے پر سونے کی فی اونس قیمت 7 ڈالرز اضافے کے بعد 1745 ڈالرز فی اونس تک پہنچ گئی۔

عالمی مارکیٹ میں سونے کی قیمت میں اضافے کے منفی اثرات پاکستان بھر کے مقامی صرافہ بازاروں پر بھی نظر آئے کیونکہ فی تولہ اور دس گرام کی قیمتوں میں مجموعی طور پر 1672 روپے کا اضافہ ریکارڈ کیا گیا۔

آل پاکستان جیولرز مینوفیکچررز ایسوسی ایشن کے چیئرمین محمد ارشد کے مطابق پاکستان بھر کے مقامی صرافہ بازاروں میں سونے کی فی تولہ قیمت 900 روپے اضافے کے بعد 1 لاکھ 8 ہزار 100 روپے تک پہنچ گئی۔

اسی طرح دس گرام کی قیمت 772 روپے اضافے کے بعد 92 ہزار 678 تک پہنچ گئی۔

کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں سونے کی خرید و فروخت نئے ریٹ کے ساتھ ہوئی۔

واضح رہے کہ ایک روز قبل مقامی صرافہ بازاروں میں سونے کی فی تولہ قیمت 600 روپے اضافے کے بعد 1 لاکھ 7 ہزار 200 روپے جبکہ دس گرام کی قیمت 514 روپے اضافے کے بعد 91 ہزار 906 روپے تک پہنچ گئی۔

ہمارےیوٹیوب چینل کو سب سکرائب کرنا مت بھولیں 

Leave a Reply

Your email address will not be published. Required fields are marked *