فیس بک اور گوگل کا اشتہارات پر اجارہ داری کے لیے باہمی معاہدہ طے

ویب ڈیسک (ملتان ٹی وی ایچ ڈی 19 جنوری 2021) فیس بک اور گوگل پر اجارہ داری قائم کرنے پر کئی اینٹی ٹرسٹ کیسز چل رہے ہیں، مگر اب ان کی مشکلات میں مزید اضافہ ہوسکتا ہے۔

نیویارک ٹائمز نے امریکی ریاست ٹیکساس کی جانب سے دائر اینٹی ٹرسٹ کیس کی دستاویزات حاصل کی ہیں جس میں کہا گیا ہے کہ دونوں کمپنیوں کے درمیان 2018 میں ایک معاہدہ ہوچکا ہے۔
دونوں کمپنیوں کے درمیان یہ معاہدہ اشتہارات کے لیے مقابلہ کم کرنے کے لیے کیا گیا، جسے جیڈائے بلیو کا نام دیا گیا تھا۔

google ads and facebook ads
فیس بک اور گوگل کا اشتہارات پر اجارہ داری کے لیے باہمی معاہدہ طے


اس معاہدے کے تحت فیس بک اور گوگل نے ایک دوسرے کے مختلف شعبوں میں اشتہارات کے حوالے سے آسانیاں فراہم کی تھیں۔
رپورت کے مطابق ماہدے سے فیس بک کو زیادہ فائدے حاصل ہوئے کیونکہ اسے اشتہارات کی نیلامی کے لیے زیادہ وقت ملا، اشتہارات کی میزبانی کرنے والی سائٹس کو براہ راست بل دیئے گئے اور اشتہارات کو دیکھنے والوں کو سمجھنے کے لیے گوگل کی مدد ملی۔
اس معاہدے کے تحت فیس بک ان 90 فیصد اشتہارات کی نیلامی کا حصہ بن سکتی تھی جو اسے صارفین کی شناخت کرنے میں مدد دیتے، جبکہ گوگل کو نیلامی کے اس عمل میں شرکت سے گریز کا کہا گیا تھا۔
گوگل کے دیگر اشتہاری شراکت داروں کے لیے یہ معاہدہ کچھ زیادہ اچھا نہیں تھا۔
مقدمے میں گوگل پر الزام عائد کیا گیا کہ اس نے فیس بک کو متعدد اشتہارات کو حاصل کرنے میں مدد کی اور مخالفین کو مایوسی کا سامنا ہوا۔


فیس بک اور گوگل اس طرح کے معاہدے کے حوالے سے الزامات کی پہلے ہی تردید کرچکے ہیں۔
فیس بک کے ایک ترجمان نے دعویٰ کیا کہ گوگل کی طرح معاہدوں سے اشتہارات کی نیلامی میں مسابقت بڑھانے میں مدد ملتی ہے، اور اس حوالے سے الزامات بے بنیاد ہیں۔
گوگل کے ترجمان نے اس بارے میں کہا کہ ٹیکساس کے دائر کردہ مقدمے میں معاہدے کی وضاحت غلط کی گئی ہے۔


گوگل کی جانب سے ان اعتراضات کا جواب دینے کے لیے ایک بلاگ بھی پوسٹ کیا گیا۔
ویسے ضروری نہیں کہ اس طرح کے معاہدے قوانین کے خلاف ہوں، مگر اس سے عندیہ ملتا ہے کہ 2 بڑی ٹیکنالوجی کمپنیاں کس طرح اسکروٹنی کے حوالے سے شعور رکھتے ہیں۔
اس معاہدے کی ایک شق کے تحت دونوں کمپنیاں اشتہارات کے لیے اپنے اقدامات پر تحقیقات کیے جانے پر ایک دوسرے سے تعاون اور معاونت کرنے کی پابند ہیں۔
معاہدے میں کم از کم 20 بار اینٹی ٹرسٹ کا حوالہ بھی دیا گیا ہے۔

ہمارے یوٹیوب چینل کو سب سکرائب کرنا مت بھولیں Multan TV HD

4 thoughts on “فیس بک اور گوگل کا اشتہارات پر اجارہ داری کے لیے باہمی معاہدہ طے

  1. After exploring a few of the blog articles on your site,
    I honestly like your technique of writing a blog. I book marked it
    to my bookmark webpage list and will be checking back
    soon. Please visit my web site as well and let me know your
    opinion.

  2. Heya i’m for the first time here. I came across this board and I find It
    really useful & it helped me out much. I hope to give something back
    and aid others like you aided me.

Leave a Reply

Your email address will not be published. Required fields are marked *