رئیل می 2021 کا پہلا فلیگ شپ فون مارکیٹ میں پیش کرنے کیلئے تیار

ویب ڈیسک (ملتان ٹی وی ایچ ڈی 1 جنوری2021) رئیل می نے اپنے 2021 کے پہلے فلیگ شپ اسمارٹ فون کو متعارف کرانے کی تیاری کرلی ہے۔
رئیل می چین کے صدر نے گزشتہ ہفتے تصدیق کی تھی کہ اسنیپ ڈراگون 888 پراسیسر سے لیس نیا فون رئیل می کوئی متعارف کرایا جائے گا۔
چین میں کوئی (koi) لفظ ایسی مچھلی کے لیے استعمال کیا جاتا ہے جو اپنی رنگت اور خوبصورتی کی بدولت منفرد ہوتی ہے۔
کوئی فش کو چین اور جاپانی ثقافت میں قسمت کہا جاتا ہے اور اس سے عندیہ ملتا ہے کہ رئیل می کا نیا فلیگ شپ فون پرکشش ڈیزائن کے ساتھ کئی رنگوں میں دستیاب ہوگا۔

رئیل می 2021 کا پہلا فلیگ شپ فون مارکیٹ میں پیش کرنے کیلئے تیار


رئیل می نے اس فون کے لیے چینی سوشل میڈیا سائٹ ویبو پر ایک پروفائل بھی بنائی ہے۔
اس فون کی چند تساویر بھی لیک ہوکر سامنے آئی ہیں جن سے معلوم ہوتا ہے کہ اس کے بیک پر 3 کیمروں کا سیٹ اپ ہوگا جس میں مین کیمرا 64 میگا پکسل کا ہوگا۔
کمپنی کی جانب سے آفیشل ٹیزر پوسٹر سے تصدیق ہوتی ہے کہ اس میں اسنیپ ڈراگون 888 پراسیسر موجود ہوگا۔
فوٹو بشکریہ جی ایس ایم ایرینا
ایسا کہا جارہا ہے کہ اس فون کا کوڈ نیم ریس ہے اور اصل نام کوئی ہوگا۔
رئیل می کے اس فون میں 125 واٹ الٹرا ڈارٹ فاسٹ چارجنگ سپورٹ دی جائے گی جو 4000 ایم اے ایچ بیٹری کو 5 منٹ میں 41 فیصد اور 20 منٹ میں مکمل چارج کردے گی۔
مختلف افواہوں کے مطابق رئیل می کوئی جنوری میں متعارف کرایا جاسکتا ہے جس کی قیمت 5 ہزار چینی یوآن تک ہوسکتی ہے۔

Leave a Reply

Your email address will not be published. Required fields are marked *