’اسٹار وارز‘ کے ’بوبا فیٹ‘ چل بسے

ویب ڈیسک (ملتان ٹی وی ایچ ڈی 18 دسمبر 2020) شہرہ آفاق سائنس فکشن فلم سیریز ’اسٹار وارز‘ کی پہلی ٹرائلوجی میں سائنس فکشن کردار ’بوبا فیٹ‘ کا کردار ادا کرنے والی برطانوی اداکار جیرمی بلوک 75 سال کی عمر میں چل بسے۔
جیرمی بلوک نے انتہائی کم عمری میں اداکاری کی شروعات کی اور انہوں نے تھیٹرز سمیت کمرشلز میں بھی کام کیا۔

’اسٹار وارز‘ کے ’بوبا فیٹ‘ چل بسے


جیرمی بلوک کا شمار ان اداکاروں میں ہوتا ہے، جنہوں نے کبھی بھی چھوٹے اور مختصر کردار ادا کرنے سے معذرت نہیں کی اور انہوں نے متعدد فلموں اور ٹی وی سیریلز میں مختصر کردار بھی ادا کیے۔
جیرمی بلوک نے اگرچہ 1960 میں ہی برطانوی ڈراموں میں اداکاری کے جوہر دکھائے تھے، تاہم انہیں اس وقت زیادہ توجہ حاصل ہوئی، جب انہوں نے 1980 کے بعد معروف فلم سیریز ’اسٹار وارز‘ میں کام کیا۔
’اسٹار وارز‘ میں کام سے 2 دہائیاں قبل ہی وہ فلموں میں بھی جلوہ گر ہوچکے تھے اور ان کی پہلی فلم 1968 میں ریلیز ہوئی تھی، تاہم اس باوجود انہیں ’بوبا فیٹ‘ کا کردار ادا کرنے سے زیادہ شہرت ملی۔
جیرمی بلوک نے ’اسٹار وارز‘ کی 1980 میں ریلیز ہونے والی فلم ’دی امپائر اسٹرائیکس بیک‘ اور 1983 میں ریلیز ہونے والی فلم ’رٹرن آف دی جوڈی‘ میں فکشنل کردار ’بوبا فیٹ‘ ادا کیا تھا۔
یہ کردار دراصل جرائم پیشہ شخص کا ساتھی ہوتا ہے، جو اس کے برے کاموں میں اس کا ساتھ دیتا ہے۔
علاوہ ازیں جیرمی بلوک نے شہرہ آفاق جاسوس فلم سیریز ’جیمز بانڈ‘ کی بھی دو فلموں میں کام کیا، انہوں نے اس سیریز کی فار یوئر آئز اونلی اور آکٹوپسی میں بھی کام کیا۔
علاوہ ازیں جیرمی بلوک نے متعدد تاریخی، بائیوگرافیکل، سائنس فکشن، رومانٹک و کامیڈی فلموں میں بھی کام کیا اور انہوں نے مجموعی طور پر 4 درجن کے قریب فلموں اور اتنےہی ڈراموں میں اداکاری کی۔
جیرمی بلوک گزشتہ کچھ عرصے سے پارکنسن کی بیماری میں مبتلا تھے اور وہ کئی ماہ سے ہسپتال میں زیر علاج تھے۔
خبر رساں ادارے ایسوسی ایٹڈ پریس (اے پی) نے اپنی رپورٹ میں جیرمی بلوک کے اہل خانہ اور ان کے معاملات دیکھنے والی ایجنسی کا حوالہ دیتے ہوئے بتایا کہ اداکار 17 دسمبر کو چل بسے۔
جیرمی بلوک کی موت پر برطانوی و امریکی ہولی وڈ اسٹارز، فلم و ڈراموں سازوں سمیت پروڈکشن کمپنیوں کے عہدیداروں نے بھی افسوس کا اظہار کیا۔
جیرمی بلوک کی آخری فلم 5 سال قبل 2015 میں سامنے آئی تھی، تاہم اس میں انہوں نے مختصر کردار ادا کیا تھا، اسی طرح وہ آخری 2 دہائیوں سے فلموں اور ڈراموں میں مختصر کرداروں میں دکھائی دیے۔
جیرمی بلوک کو چند سال سے پارکنسن کی بیماری تھی اور انہوں نے اپنی سرگرمیوں کو بھی محدود کردیا تھا، زائد العمر ہونے کی وجہ سے زندگی کے آخری ایام میں انہیں صحت کے دوسرے مسائل بھی ہوئے، جس وجہ سے انہیں ہسپتال داخل کرایا گیا تھا۔

4 thoughts on “’اسٹار وارز‘ کے ’بوبا فیٹ‘ چل بسے

  1. Hmm it looks like your website ate my first comment (it was extremely long) so I guess I’ll
    just sum it up what I had written and say, I’m thoroughly enjoying your blog.
    I as well am an aspiring blog writer but I’m still new to the whole thing.
    Do you have any tips and hints for rookie blog writers? I’d definitely appreciate it.

  2. You really make it seem so easy with your presentation but I find this matter to be actually something that I think I would never understand.
    It seems too complicated and extremely broad for me.
    I am looking forward for your next post, I will try to get the hang of it!

  3. I pay a visit day-to-day a few web pages and blogs to read content,
    however this weblog presents feature based articles.

Leave a Reply

Your email address will not be published. Required fields are marked *